No photo available

28 views - 3 months ago

Dugang patakaran sa Fiesta Senyor

DUGANG patakaran ang iimplementar atol sa kasaulugan sa Fiesta Senyor.

Ang mga paring Agustino nga maoy nagdumala sa Basilica nagpahibawo pinaagi sa usa ka advisory nga giluwatan niadtong Domingo, Enero 10, 2021 nga ila nang undangon ang traditional nga sayaw sa Sinulog matag human sa Novena Mass.

“Basi sa tambag sa Inter-Agency Task Force for the Management of Emerging Infectious Diseases (IATF), Cebu City government, Cebu City Disaster Risk Reduction and Management Office (CCDRRMO) ug sa Basilica Minore del Santo Niño(B MSN) Safety and Security, wala nay traditional nga sayaw sa Sinulog atol sa Novena Masses,” nagkanayon ang advisory.

Sa laing bahin, gibuksan na ang Plaza Independencia aron pagpahiluna sa mha deboto mga buot mutambong sa mgagNovena Masses sud sa Basilica.

Si Police Colonel Wilbert Parilla, deputy director for operations sa Cebu City Police Office (CCPO), nilumpirmar niini ug nagkanayon nga “usa ra kini sa daghan pang mga patakaran” nga ilang ipatuman alang sa Fiesta Señor.

Sa sayo pa, the Cebu City Police Office (CCPO) nitugot sa pagsud Basilica Minore del Sto. Niño ngadto lamang sa mga lumolupyo sa Siyudad sa Sugbo sugod niadtong Enero 9, 2021.

Tungod kay gi require man ang mga quarantine passes, susihon gyud sa kapulisan ang number coding sa matag usa niini.

Ang mga Authorized Personnel Outside Residence (APOR) mahimo sab makasud sa Basilica kon sila mga residente sa Cebu City.