No photo available

30 views - 2 months ago

STREET DANCING SA SENTENYAL PAABUTON: RAMA

TUNGOD kay wala tugoti sa Inter-Agency Task Force ang virtual Sinulog, niingon si Cebu City Vice Mayor Michael “Mike” Rama nga paabuton nalang sa mga Sugboanon ang street dancing atol sa ika-500 nga tuig sa Kristiyanismo sa Sugbo sa Marso ug Abril 2021.

Niingon si Rama ibali nalang sa Cebu City Council ang pag-monitor sa implementasyon sa mga proyekto ubos sa 2021 annual budget.

Nagkanayon si Rama nga nasabutan unta sa Sinulog Foundation nga aduna lay 2,000 ka mga partisipante ang manayaw sa Sinulog sa South Road Properties (SRP) apan walay tawong patan-awon.

Ang SRP mosulod og tulo ka milyon ka tawo apan 2,000 ra unta ang ilang pasayawon nga walay audience o manan-away. Kini maoy kuhaag video sa mga television networks alang sa virtual Sinulog niadtong manan-aw sa Virtual Sinulog sa Jan. 17.

Gipasabot ni Rama nga ang Sinulog Foundation walay labot sa manimbahay sa Basilica del Senior Santo Niño. Makontrolar ang manimbahay sulod sa simbahan, apan lisod hapsayon ang lihok sa katawhan sa kadalanan nga nagpalibot sa Simbahan.

Nagkanayon si Rama nga kon gitugotan pa sa IATF ang Virtual Sinulog, mandoan nila ang 2,000 dancers pagtuman sa health protocol aron wala nay mataptan pa sa Covid.

Gani, matud pa ni Rama, ang IATF sa kaulohan wala man gani makakontrolar sa tunga sa milyon ka tawo nga nitambong sa kapistahan sa milagrosong Nazareno sa Quiapo, Manila niadtong Enero 9.

Sa laing bahin, sa dihang niabot si Portuguese sailor Ferdinand Magellan sa Sugbo niadtong March 16, 1521, iyang gipaila ang Kristiyanismo ug iyang giregalo ang Senior Santo Niño sa mga Sugboanon.

Karong March 16, 2021 ang ika-500 ka tuig sa Kristiyanismo sa Pilipinas apan ang mga kalihokan sa Simbahang Katoliko mohangtod pa sa Abril ning tuiga. ELIAS O. BAQUERO