No photo available

14 views - 2 months ago

Fonus moserbisyo sa pamilyang kabus nga mamatyan: Labella

GISAAD ni Cebu City Mayor Edgardo C. Labella nga iyang kuhaon ang FONUS Cebu Federation of Cooperatives nga maoy moserbisyo kon dunay mamatay nga sakop og pobreng pamilya.

Si FONUS Cebu Chairperson Maria Elena Limocon niingon nga kon pobreng molupyo sa Cebu City ang mamatay, P10,000 lang ang ilang ipabayad lakip na ang lungon, balsamar ug sakyanan.

Si Limocon kinsa Chief Executive Officer sa Lamac Multi-Purpose Cooperative nga dunay assets nga P2 ka bilyon, niingon nga inig-pirma ni Labella sa Memorandum of Agreement (MOA), matabangan niini ang mga pobreng pamilya ug ang kooperatiba mismo.

Sa iyang bahin, niingon si Labella nga nakauyon siya nga FONUS Cebu ang moserbisyo sa ilang programang “pauper’s burial” tungod kay kini pederasyon sa mga kooperatiba nga gilangkoban sa 23 ka mga primary cooperatives.

Ang Board of Directors sa FONUS mao sila si Limocon sa Lamac MPC, Vice Chair Noel Nuñez sa Fairchild Cooperative, Emma Carriaga sa Sibonga MPC, Lito del Castillo sa Mandaue Vendors Cooperatives (MAVENCO), Leonor Amodia sa Cordova MPC, Aurea de Ramayo sa Cordova College Cooperative ug Anecito Carillo sa CARWASSCO. Ang board secretary si Elias O. Baquero sa Cebu Newscoop, samtang ang FONUS treasurer si Neomelito Nuñez sa Cordova MPC. PR