No photo available

26 views - 2 months ago

Pagbayad sa business tax nga walay silot kutob Pebrero 20

GIPANGHIMANGNUAN sa Cebu City Treasurer’s Office (CTO) ug sa Business Permit and Licensing Office (BPLO) ang tanang magpapatigayon nga panahon na sa pagrenew sa ilang mga business permits ug licenses alang sa tuig 2021.

Nagpahinumdum sab kini nga kutob ra sa Pebrero 20 ang pagbayad sa business tax ug ubang bayronon nga walay silot o penalty.

Si Mayor Edgardo Labella nimando sa Cebu Treasurer’s Office nga abagan ang tanang buot mubayad og buhis ug hugot nga ipatuman ang minimum health protocols aron malikayan ang pagtakboy sa Covid-19.

Mahimong mobayad sa buhis sa Negosyo Online. Mahimo sad mobayad didto sa Business Permit and Licensing Center sa SM City Cebu apan kinahanglan magpa schedule una og appointment pinaagi sa http://www. cebucity.gov.ph/.

Dawaton sab sa Business Permit and Licensing Center sa SM City Cebu ang renewal sa Sanitary Permit, Fire Safety Inspection Certificate ug CCENRO.

Sa mga nakakuha og Mayor’s Business Permit nga balido sa tuig 2020-2021, dili na kinahanglan mo renew karong tuiga.