No photo available

26 views - 2 months ago

NTC makigtagbo sa mga telcos

ANG National Telecommunications Commission (NTC) nibutyag nga makigtagbo kini sa mga telecom firms ug sa Department of Information and Communications Technology (DICT) aron pagseguro mga hingpit ug “on time”ang ilang plano nga improvement niining tuiga.

Ang unang semana sa Pebrero mao ang unang binuwan nga tigom sa NTC, DICT ug mga telcos.

Matud sa NTC ila gyud iduso ang “front-loaded implementation” sa roll-out plans sa mga telcos,ilabi na sa unang duha ka quarters sa 2021.

Ang gihimong monitoring sa NTC maoy aksyon sa bahad ni President Rodrigo Duterte sa milabayng tuig nga pasirad-an niini ang tanang telecommunication providers kon dili nila mapalambo ang ilang serbisyo sa tapos sa 2020.

Sigun sa datos sa Ookla Speedtest Global Index, ang mobile Internet connection speed sa nasud anaa sa 22.50 megabits per second (mbps) niadtong buwan sa Disyembre kon itandi sa 18.49 mbps sa buwan sa Nobyembre..

Tungod niini, misaka ang ranggo sa nasud ngadto sa ika 29 nga dapit gikan sa 34 taliwa sa 50 ka nasud sa Asya, ug maoy ika 18 sa 46 ka nasud sa Asia Pacific.