No photo available

26 views - 2 months ago

P80M GAHIN SA DA ALANG SA ASF TEST KITS

ANG Department of Agriculture (DA) nigahin og P80M alang sa paghimo og lokal nga test kits nga makamatikod sa African swine fever (ASF) sa mga baboy.

Ang DA nibutyag nga ang mga test kits gitawag og “ASFV Nanogold Biosensor” ug kini gihimo ni Clarissa Yvonne Domingo sa Central Luzon State University. Kini makaila kon ang nitakboy sa baboy ASF ba, hog cholera o laing mga kagaw.

Si Agriculture Secretary William Dar miingon nga ang kit mahimong gamiton alang sa “biosecurity measures, pag profile sa mga farms alang sa repopulation, ingon man alang sa surveillance ug monitoring.

Mahimong i-standby ang mga test kits sa mga port of entries alang sa dali nga pag sampling sa mga produkto sa karne nga mosud sa nasud, dugang ni Dar.

Ang departamento mipasalig nga makapakita ang mga test kits og “high accuracy and detection rate” sanglit nasuwayan na man kini sa 32 ka commercial ug 9 ka backyard farms sa Bulacan, Rizal, Laguna, Pampanga, Tarlac, Pangasinan, ug Nueva Ecija.

Libre ang testing sa Bureau of Animal Industry (BAI) samtang ang mga pribadong laboratories mocharge og P3,000 matag test.