No photo available

12 views - 2 months ago

DMDP giawhag pagpahigayon og virtual job fairs

ANG Department of Manpower Development and Placement (DMDP) giawhag sa usa ka konsehal sa Siyudad sa Sugbo sa pagpahigayon og virtual job fairs alang sa mga molupyo.

Sa usa ka resolusyon nga gipasar sa Cebu City Council, si Konsehal Alvin Dizon nipadayag nga ang mga molupyo nanginahanglan og daghang kahigayonan sa panarbaho nunot sa dakung epekto sa ekonomiya nga nahimo niining pamdemya.

Si Dizon niingon nga samtang adunay mga negosyo nga nisira na, apan dunay sab mga kumpaniya nga padayon sa pagdawat og mga trabahante ug ngani nigamit sa virtual platforms aron pagpangita sa mga tawo nga haom sa posisyon nga bakante.

Matod ni Dizon, ang DMDP makahimo og virtual job fair aron pagseguro nga luwas ang mga aplikante ingon man ang mga employer.

Ang DMDP giawhag sa pagpakig partner mga pribadong kompaniya alang sa virtual job fair. Sa ilang bahin, ang DMDP padayon sa ilang pagbisita sa 80 ka barangay sa siyudad aron pagpahigayon og mga livelihood training ngadto sa mga walay trabaho ilabi ma niadtong nawad-an og trabaho atol sa pandemya.

Si Shiela Daluz, pangu sa DMDP, niingion nga gihatagan nilag pagtagad ang mga nawad-an sa trabaho, mga solo parents, mga asawa ug uban pa nga maka benepisyo sa programa sa DMDP. Nanghinaut si Dizon nga hangpon sa DMDP ang sugyot sa konseho