No photo available

14 views - 2 months ago

BAN SA FACE-TO-FACE NGA KAMPANYA SA ELEKSIYON

ANG Commission on Elections (Comelec) nagplano nga idili o i-ban ang faceto-face nga pangampanya alang sa umaabot nga bugnong lugaynon sa Mayo 2022 nunot sa padayong hulga sa Covid-19.

Si James Jimenez, tigpamaba sa Comelec, nitataw nga aduna gyud kausaban sa paagi sa kampanya alang sa.umaabot nga eleksiyon.

Matod ni Jimenez, ang mga kalihokan sama sa pagpanghatag og campaign materials, pag-pulong-pulong, face-to-face nga kampanya ingon man ang pag-adto sa mga balay balay hayan nga idili na.

Ang Comelec makig coordinate sa Inter-Agency Task Force (IATF) for the Management of Emerging Infectious Diseases alang niining butanga, dugang ni Jimenez.

Subay niining posibleng kausaban, si Jimenez miingon nga ang Comelec nagdasig sa online campaigning aron masiguro nga luwas ang mga botante ug mga kandidato taliwa niining pandemya.