No photo available

82 views - 2 months ago

Gobyerno giawhag pagpalit og mga sapatos nga locally-made

ANG Philippine Footwear Federation Inc. (PFFI) niawhag sa gobyermo pagsuportar sa local nga industriya pinaagi sa pagpalit og sapatos nga locally-made alang sa mga uniformado nga mga kawani.

Si PFFI director general Roger Py miingon nga ang ilang grupo nag-awhag sa mga magbabalaod sa paglakip niini sa amendment sa Republic Act (RA) 9290 kon ang Footwear, Leather Goods, and Tannery Industries Development Act.

Matod ni Py, ang gobyerno mahimong mopalit og mga sapatos alang sa mga unipormadong kawani sama sa military boots, sapatos para sa mga seamen, ug para sab sa mga pulis ug bombero gikan sa mga local nga tiggama og sapatos.

Si Py niingon nga ang mga sapatos sa mga uniporma - d o n g kawani pagka - karon sagad mga imported.

Matod ni Py, mas maayo unta kon ang lokal nga industriya maka benepisyo sa buhis sa katawhan, ug kini mahitabo lang kon ang gobyerno musuporta sa ilang grupo.

Gibutyag sab ni Py nga gihingusgan sa PFFI nga malakip ang footwear ubos sa United States Generalized System of Preferences (US GSP) sa higayon nga ang Pilipinas mo-apply na og renewal sa preferential tariff treatment.

Ang GSP grant sa Pilipinas ning expire na niadtong Dec. 31, 2020.

“Kon ang footwear malakip ma sa GSP, ang footwear nga ginama sa nasod makasud na sa merkado sa Estados Unidos “duty-free,” matod ni Py.

Ubos sa US GSP program, 70 porsiyento sa export sa nasod makasud na sa US market nga zero tariffs.