No photo available

24 views - 2 months ago

LABING UWAHING ISOLATION FACILITY SA MANDAUE CITY ABLI NA

ANG Norkis Park, labing uwahing isolation facility sa Mandaue City niabli niadtong Pebrero 2, 2021 ug karon aduna nay 19 ka pasyente sa Coronavirus Disease 2019 (COVID-19) nga na-admit.

Ang Norkis Park anaa nahimutang sa dalan Plaridel Dakbayan sa Mandaue. Ang isolation unit makadawat hangtud 79 ka pasyente sa COVID-19.

Si manlalaban Lizer Malate, pangu sa Emergency Operations Center (EOC), niingon nga ang mga nahibiling pasyente sa COVID-19 sa Mandaue City Isolation Unit (MCIU) nga anaa nahimutang sa Mandaue City Central School dili ibalhin sa Norkis Park.

Ang MCIU adunay 63 ka wards ug ang 55 niini pulos COVID positive.

Sigun ni Malate, himan mamaayo ang mga pasyente sa COVID-19, gamiton sa syudad ang mga classrooms sa MCIU alang sa mga Overseas Filipino Workers (OFWs) o kaha mga Returning Overseas Filipinos (ROFs) nga ikwarentina og 14 ka adlaw ingin man niadtong nagpaabot sa ilang re-swabbing.

Aduna sab 25 ka pasyente sa Mandaue City Isolation Center (MCIC) nga gitukod sa kanhi Cebu North Bus Terminal sa Barangay Subangdaku nga nagpaabot sa ilang swab results. Ang MCIC maoy nagsilbi nga expanded swabbing center sa siyudad.