No photo available

26 views - 2 weeks ago

VENDORS SA CARBON DILI PAPAHAWAON

ANG tanang vendors sa Carbon Public Market lakip na sa mga naninda sa kadalanan palibot niini ipahiluna sa bagong merkado nga himuon sa Megawide Construction Corporation.

Gipasalig kini sa kadagkuan sa Megawide Construction Corporation pinangulohan ni Louie Ferrer human pirmahi ni Cebu City Mayor Edgardo Labella ang kontrata tali sa Megawide ug kagamhanan sa Siyudad sa Sugbo.

Una nang gipasalig ni Labella nga walay vendors sa sulod ug gawas sa Carbon Public Market ang maundang sa ilang pagpaninda tungod kay mao kini ang ilang panginabuhian.

Niingon ang Megawide nga ang abangan sa mga stalls sa modernong merkado ibase gihapon sa Carbon Market Code nga giimplementar sa Cebu City Government.

Niingon si Ferrer nga ang kontrata tali sa Megawide ug Cebu City Government magagikan atubangan sa University of san Jose Recoletos (USJR) ngadto na sa skeletal building sa kanhi Compania Maritima.

Matud pa ni Ferrer nga samtang sila ang momentinar sa Carbon Public Market building ug dumalahon sa Siyudad sa Sugbo, dili sila magpagansiya niini isip Corporate Social Responsibility ug adto sila mamawi sa ubang buildings nga tukoron nga nalakip sa kontrata.

Gibanabana nga ang Phase 1 ug Phase 2 sa maong proyekto mabuksan sa tuig 2024. Sa hinapos ning tuiga, hayan ablihan ang ibang bahin sa merkado lakip na ang Puso Village, ang mismong merkado publiko, transportation terminal ug uban pa.

Anmg ceremonial groundbreaking sa maong proyekto himoon sa sunod buwan sa Marso, 2021. BEBIE HIÑOLA BAQUERO