No photo available

88 views - 2 months ago

Transport sector wa nituman sa minimum health protocols

ANG wa pagtuman sa mga sakyanan pangpasahero sama sa jeepney, bus, ug taxi sa minimum health protocols nakahatag og kabalaka kang Cebu City Councilor James Cuenco.

Si Cuenco maoy chairperson sa committee on transportation sa Konseho sa Dakbayan sa Sugbo ug mao usab ang pangu sa City Jeepney Task Force.

Ang konsehal kanunay nga nagpadayag sa iyang kabalaka ngadto sa konseho kalabot sa mga taho nga ang mga jeepney ug bus nag “overloading” magabii ug ang mga drayber sa taxi dili tigsul-ob og face masks.

“Badlungon gyud kaayo ang uban, dili mopatuo. Hinungdan nga nagsuwat ko sa Cebu City Transportation Office (CTO) nga butangan og dugang traffic enforcers sa kadalanan,” nagkanayon si Cuenco.

Ang rush hour nakatampo sab sa violation sa health protocols sanglit ang traffic ug ang kakuwang sa sakyanan maoy makapa-aghat sa mga pasahero nga musakay na lang sa mga “overloaded” nga mga sakyanan aron lang malapauli.

Ang maong kinaiya sa mga drayber sa siyudad na kadiskurahe sa kagamhanan nga tugutan ang mga sakyanan pangpasahero nga gikan sa laing local government unit (LGU pagsud sa siyudad sa kabalaka nga musamot ang sitwasyon niini sa COVID-19.

Subli nga giawhag ni Cuenco ang mga drayber nga tumanon ang gilagda nga health protocols aron di na mubalik sa istrikto nga quarantine classification ang siyuidad ug maapekruhan ang ilang panginabuhian.