PEPITO MIDAYEG SA IYANG KAUBANAN

TANANG konsehal sa tibuok lalawigan sa Sugbo gidayeg ni Board Member Ricardo "Kuya Nick" Pepito, pangulo sa Philippine Councilors' League-Cebu, atol sa ilang year-end assembly dili pa lang dugay.

Siya mipasalamat nila tungod sa ilang kaisog ug pag-alagad atol sa linog sa Septiyembre 30 ug sa mga aftershocks niini ingon man human sa bagyong Tino.

Niya pa, ang mga konsehal tinud-anayng mialagad sa ilang kaigsoonan sa ilang mga sitio ug mga barangay bisan mismo ang ilang kaugalingon nga mga banay nag-antos usab sa maong mga katalagman.

Mipahinumdom usab si Pepito nga silang mga konsehal maoy kahayag sa tagsatagsa nila ka komunidad ug tinubdan sa paglaom alang sa tanan.

Siya mao usab ang numero unong konsehal sa dakbayan sa Toledo.