ANG PAGDUAW SA PANGULO SA BIEN UNIDO

SI Pangulo Ferdinand Marcos Jr. miduaw sa lungsod sa Bien Unido, Lalawigan sa Bohol diin siya gisugat nila ni Gobernador Aris Aumentado ug Bien Unido Mayor JanJan Garcia.

Mainitong pagdawat ang nasinati sa Pangulo. Ang mga senior citizens sa lungsod hilabihang lipaya dihang sila gikahinabi ni Marcos.

Siya mihisgot sa ilang natampo sa katilingbanong kalamboan ilabi na niadtong mga batan-on pa sila ug may kusog pa.

Ang nagpadayon nga mga infrastructure projects sa Bien Unido natuki usab, ilabi na ang bahin sa taytayan nga magdugtong sa Bien Unido ug Talibon.

Kon kini mahingpit na, kini makapadali o makapamubo sa travel time ug makapalambo usab sa turismo ug ekonomiya.